ഇങ്ങനെ ഒന്ന് ഇന്ത്യയില്‍ എപ്പോ നടക്കും

ഇന്നലെ വായിച്ച രണ്ടു വാര്‍ത്തകള്‍ ഇതാണു. ഈ പോസ്റ്റിനു ആധാരം.

മരിക്കുന്ന സമയത്ത് ലാദന്‍ നിരായുധന്‍ & സൈനികനടപടി: ക്ഷമ പറയില്ലെന്ന് യു.എസ്

രണ്ടിനും ഞാന്‍ അനുകൂലിക്കുന്നു.

ലാദനെ കൊല്ലുന്ന സമയം രാത്രിയായിരുന്നു എന്നിരിക്കെ, സൈനികര്‍ നൈറ്റ്‌ വിഷന്‍ ഉള്ള കണ്ണട ധരിച്ചയിരിക്കും അങ്ങേരുടെ റൂമില്‍ കയറിയത്, അതുകൊണ്ട് തന്നെ മുന്നിലുള്ള എല്ലാ വ്യക്തികളെയും ആക്രമിക്കുക എന്നതായിരിക്കണം അവര്‍ക്ക് ചെയ്യാന്‍ പറ്റുന്ന ഏറ്റവും നല്ല രീതി. അതൊകൊണ്ട് തന്നെ ലാദന്‍റെ കയ്യില്‍ തോക്കുണ്ടോ എന്നൊന്നും നോക്കാന്‍ സമയം ഉണ്ടയികാനില്ല . മുംബായില്‍ തീവ്രവാദആക്രമുണ്ടായപ്പോള്‍ എതിരാളികള്‍ നിസ്സാരനെന്നു കരുതി ബുള്ളറ്റ്‌ പ്രൂഫ്‌ ജാക്കെറ്റ്‌ പോലും ധരിക്കാതെ അവരെ നേരിടാന്‍ പോയ ആളുടെ സ്ഥിതി നമ്മള്‍ കണ്ടതാണ്.

ഇനി ഇപ്പൊ ജീവനോടെ പിടിച്ചു എന്ന് തന്നെ കരുതുക, അടുത്ത അഞ്ചു വര്ഷം വിചാരണയും പ്രോട്ടെക്ഷനും മറ്റും ആയി എത്ര കാശ് ചിലവാക്കണം. മുംബായില്‍ അജ്മല്‍ കസബിനെ പിടിച്ചപ്പോള്‍ ഇത് പോലെ ചെയ്തിരുന്നെങ്കില്‍ ഇന്ന് നമ്മള്‍ കൊടുക്കുന്ന നികുതി കൊണ്ട് അവന്‍റെ ചിലവിനു ( കോടതി, വണ്ടി, എസ്കോര്‍ട്ട്, വകീല്‍, പിന്നെ എന്തൊക്കെ മാങ്ങതോലി) കൂടി കൊടുക്കേണ്ട ഗതികേട് വരില്ലായിരുന്നു.

 ഇനി ക്ഷമ പറയുന്ന കാര്യം.

പത്തു വര്ഷം അവര് ക്ഷമിച്ചു, ഇത് വരെ ഉണ്ടായ എല്ലാ ഒപെരെഷനും അവരെ അറിയിപ്പിച്ചു ആണ് ചെയ്തത്, ഇത് മാത്രം അവരോടു ഒന്നും പറയാതെ അങ്ങ് കേറി പൊട്ടിച്ചു, ഫലം ആളു ക്ലോസ്, അപ്പൊ ലവന്മാരെ വിശ്വസിക്കാന്‍ കൊള്ളില്ല എന്ന് ഒബാമക്ക് മനസ്സിലായി. ഇത് മനസ്സിലാക്കാത്ത ചിലര്‍ ഇനിയും പാഠങ്ങള്‍ പഠിക്കാന്‍ ഇരിക്കുന്നതെയുളൂ.

ഒസാമ മുന്‍പുതന്നെ മരിച്ചെന്നും, ഇത് വെറും നാടകമാണെന്നും, ചിലര്‍ പറയുന്നത് കൂടി ഇതിനോടൊപ്പം കൂട്ടി വായിക്കട്ടെ.

ആദ്യമായി അമേരിയ്ക്ക ചെയ്ത ഒരു കാര്യം എനിക്കിഷ്ടായി എന്ന് സന്തോഷത്തോടെ പറയട്ടെ.